Bottle Gourd For Premature White Hair: વર્તમાન યુગમાં નાની ઉંમરે વાળ સફેદ થવા એકદમ સામાન્ય બાબત બની ગઈ છે, આજકાલ નાની ઉંમરના લોકો આ સમસ્યાથી ખૂબ પરેશાન છે, પરંતુ તેનો ઉકેલ દેખાતો નથી. ઘણા લોકો સફેદ વાળને છુપાવવા માટે હેર ડાઈનો ઉપયોગ કરે છે, પરંતુ તેના કારણે વાળને નુકસાન થવાનું જોખમ રહેલું છે, તેથી જરૂરી છે કે આપણે વાળને કાળા કરવા માટે કુદરતી પદ્ધતિ અપનાવીએ.
દૂધીના સેવનથી સફેદ વાળ થઈ જશે કાળા
સફેદ વાળને ફરીથી કાળા કરવા માટે આપણે દૂધીનો ઉપયોગ કરી શકીએ છીએ. આ એક એવી શાકભાજી છે જેનો ભારતમાં ઘણો ઉપયોગ અને ઉત્પાદન થાય છે. તેને ખાવાથી ન માત્ર કુદરતી રીતે કાળા વાળ આવે છે, પરંતુ તે વાળને સ્વસ્થ અને ચમકદાર બનાવવાનું પણ કામ કરે છે. તેથી આ શાકભાજીનું નિયમિત રીતે સેવન કરો.
દૂધીનું તેલ ઘરે જ કરો તૈયાર
સફેદ વાળને કુદરતી રીતે કાળા કરવા માટે દૂધીની મદદથી ખાસ તેલ તૈયાર કરી શકાય છે, જો કે તેને બનાવવા માટે નારિયેળ તેલની પણ જરૂર પડશે. ચાલો જાણીએ તેને બનાવવાની રીત…
– આ માટે દૂધીની છાલ ઉતારીને તડકામાં 5 દિવસ સુધી સૂકાવી દો.
– હવે એક વાસણ લો અને તેમાં નાળિયેરના તેલને ગરમ કરો.
– પછી આ તેલમાં દૂધીના સૂકા ટુકડા નાખીને ઉકાળો.
– લગભગ 15 થી 20 મિનિટ સુધી રાંધ્યા બાદ તેને ગેસ સ્ટવ પરથી ઉતારી લો.
– હવે તેને સંપૂર્ણપણે ઠંડુ થવા માટે છોડી દો અને પછી તેલને કાચની બોટલમાં ભરી દો.
– રાત્રે સૂતા પહેલા તેને માથા પર લગાવો અને પછી સવારે ઉઠીને સ્વચ્છ પાણીથી વાળ ધોઈ લો.
– જો તમે આ પ્રક્રિયા નિયમિત કરશો તો થોડા જ દિવસોમાં તમારા સફેદ વાળ ફરી કાળા થઈ જશે.
નોંધ- અહીં આપવામાં આવેલી માહિતી ઘરગથ્થુ ઉપચાર અને સામાન્ય માહિતી પર આધારિત છે. તેને અપનાવતા પહેલા ચોક્કસપણે તબીબી સલાહ લો.
