How to get Dream Job: નાનપણથી તમે જે ક્ષેત્રમાં કારકિર્દી બનાવવાનું કે નોકરી મેળવવાનું સપનું જોવો, તે વાસ્તવિકતામાં ફેરવાય તો તે ભાગ્યશાળી હોવાની નિશાની છે. જો કે, દરેક એટલા નસીબદાર નથી હોતા કે તેમને તેમની પસંદગીની નોકરી મળે, પરંતુ વાસ્તુશાસ્ત્રમાં કેટલાક એવા અસરકારક ઉપાયો જણાવવામાં આવ્યા છે, જેને અપનાવવાથી માત્ર ડ્રીમ જોબનું સપનું જ નહીં, પરંતુ વ્યક્તિ ધનવાન પણ બની શકે છે.
મનપસંદ નોકરી મેળવવા માટે વાસ્તુ ટિપ્સ
– જો નવી નોકરી મેળવવામાં અથવા નોકરીમાં પ્રગતિમાં અવરોધો આવે છે, તો તમારા બેડરૂમમાં બને ત્યાં સુધી પીળા રંગનો ઉપયોગ વધારે કરો. પીળો રંગ કુંડળીમાં ગુરુ ગ્રહને મજબૂત બનાવશે. આ સાથે ભાગ્ય સાથ આપવાનું શરૂ કરશે અને ટૂંક સમયમાં કરિયર પર સકારાત્મક અસર જોવા મળશે.
– જો તમને ઈચ્છિત નોકરી નથી મળી રહી અથવા બેરોજગાર છો તો ઘરની ઉત્તર દિશામાં દીવાલ પર અરીસો લગાવો. અરીસો એટલો મોટો હોવો જોઈએ કે તમારી આખી છબી બતાવી શકે. આમ કરવાથી તમને જલ્દી નોકરી મળી જશે.
– જો તમે જોબ ઈન્ટરવ્યુમાં વારંવાર ફેલ થઈ રહ્યા હોવ તો આગલી વખતે ઈન્ટરવ્યુમાં જતી વખતે લાલ રૂમાલ સાથે રાખો. જો શક્ય હોય તો લાલ અથવા લીલા કપડાં પહેરીને ઈન્ટરવ્યૂ આપવા જાવ. આમ કરવાથી સફળતા મળવાની શક્યતાઓ ખૂબ વધી જશે. ઘરની બહાર નીકળતા પહેલા ગણપતિની પૂજા કરો અને તેમને પ્રસાદ ધરાવો અને પ્રસાદ ખાઈને બહાર જાઓ, આ ઉપાય પણ ખૂબ જ અસરકારક છે.
– જે લોકોની કુંડળીમાં ગ્રહ દોષ તેમના કરિયરમાં વારંવાર મુશ્કેલી ઉભી કરી રહ્યા છે, તેમણે એક મુખી, દસ મુખી કે અગિયાર મુખી રૂદ્રાક્ષ ધારણ કરવો જોઈએ. આમ કરવાથી કરિયરના માર્ગમાં આવતા તમામ અવરોધો દૂર થશે.
– ઘરનું બ્રહ્મ સ્થાન એટલે કે મધ્ય ભાગમાં ભારે સામાન-ફર્નિચર વગેરે રાખવાથી પણ કરિયરમાં અવરોધો આવે છે. તેથી બ્રહ્મસ્થાન ખાલી અને સ્વચ્છ રાખો.
નોંધ- આ લેખ ફક્ત વાંચકોના રસને ધ્યાનમાં રાખીને શેર કરવામાં આવ્યો છે, તેના સત્ય હોવાની અમે ખાતરી આપતા નથી.
