જો ઘરમાં પૈસા ન ટકતા હોય અને અનેક પ્રયાસો પછી પણ સફળતા ન મળી રહી હોય. ઘરના કોઈપણ સભ્યનું સ્વાસ્થ્ય સતત ખરાબ રહેતું હોય અથવા તો એક પછી એક પરેશાનીઓ આવી રહી હોય. આવી પરિસ્થિતિઓની પાછળ વાસ્તુ દોષ જવાબદાર હોઈ શકે છે. વાસ્તુ અનુસાર, દરેક વસ્તુમાં ઉર્જા હોય છે અને તેની આપણા જીવન પર સારી કે ખરાબ અસર પડે છે. જો નકારાત્મક ઉર્જાવાળી વસ્તુઓ આપણી આસપાસ હોય તો જીવનમાં મુશ્કેલીઓ આવે છે. તેથી ઘર-દુકાન અથવા કોઈપણ પ્રકારનું બાંધકામ કરતા પહેલા વાસ્તુ નિષ્ણાતોની સલાહ લેવામાં આવે છે.
આ વસ્તુઓ લાવે છે આર્થિક સંકટ
આવી કેટલીક નકારાત્મક બાબતો આર્થિક સંકટનું કારણ બને છે. આ વસ્તુઓની અસર એટલી મોટી હોય છે કે તેને ઘરની આસપાસ રાખવાથી પણ મોટી સમસ્યા થાય છે.
ઝાડનો છાંયોઃ ઘરની આસપાસ બહુ મોટું અને ઘટ્ટ વૃક્ષ હોવું સારું માનવામાં આવતું નથી. જો તે ઝાડનો છાયો ઘર પર પડે તો તે વાસ્તુ દોષની શ્રેણીમાં આવે છે. આ આર્થિક સંકટનું કારણ બની શકે છે. સાથે જ ઝાડને કારણે ઘરમાં તાજી હવા અને સૂર્યપ્રકાશ આવવાનું બંધ થવાથી સ્વાસ્થ્ય પર નકારાત્મક અસર પડે છે. તેથી ઘરની આસપાસ આવા વૃક્ષો વાવવા જોઈએ, જે ખૂબ ઊંચા ન હોય.
કાંટાવાળા ઝાડ અને છોડઃ ઘરની અંદર કે બહાર ક્યાંય પણ કાંટાવાળા ઝાડ અને છોડ રાખવા અશુભ છે. આના કારણે આર્થિક સંકટ, અશાંતિ અને સંબંધોમાં વિખવાદ થાય છે.
ઘરમાં રાખેલા પત્થરોઃ આજકાલ ઈન્ટીરીયર અને ડેકોરેશનના નામે ઘરમાં પત્થરો રાખવાનો ટ્રેન્ડ છે. જ્યારે આ પથ્થરો ઘરના લોકોની પ્રગતિના માર્ગમાં અવરોધ બની જાય છે.
નોંધ- આ લેખ ફક્ત વાંચકોના રસને ધ્યાનમાં રાખીને શેર કરવામાં આવ્યો છે, તેના સત્ય હોવાની અમે ખાતરી આપતા નથી.
