ICC અંડર-19 વર્લ્ડ કપ 2022માં ભારતીય ટીમનો આગામી મુકાબલો ડિફેન્ડિંગ ચેમ્પિયન બાંગ્લાદેશ સામે થશે. 4 વખતની ચેમ્પિયન ટીમ ઈન્ડિયાને ગત વર્લ્ડ કપની ફાઈનલમાં બાંગ્લાદેશના હાથે હારનો સામનો કરવો પડ્યો હતો. પરંતુ આ વખતે બંને ટીમો ક્વાર્ટર ફાઈનલમાં સામસામે ટકરાશે. આવી સ્થિતિમાં શનિવારે રમાનારી આ મેચમાં ફોર્મમાં ચાલી રહેલી ભારતીય ટીમ પાછલો હિસાબ બરાબરી કરવા ઈચ્છશે.
કોવિડ-19થી પ્રભાવિત ટીમ ઈન્ડિયાએ અત્યાર સુધી જોરદાર પ્રદર્શન કર્યું છે અને તેની તમામ ગ્રુપ મેચો એકતરફી રીતે જીતી છે. ભારતીય ટીમે દક્ષિણ આફ્રિકા, આયર્લેન્ડ અને પછી યુગાન્ડાને હરાવ્યું હતું. હવે તે પોતાનો વિજય રથ ચાલુ રાખીને બાંગ્લાદેશને હરાવવા માંગશે.
ભારત v બાંગ્લાદેશ મેચ ક્યારે રમાશે?
ભારત અને બાંગ્લાદેશ વચ્ચે સુપર લીગની બીજી ક્વાર્ટર ફાઈનલ 29 જાન્યુઆરી શનિવારના રોજ એન્ટીગુઆના સર વિવિયન રિચર્ડ્સ સ્ટેડિયમમાં રમાશે. આ મેચ ભારતીય સમય અનુસાર સાંજે 6 વાગ્યે શરૂ થશે.
ભારતીય ટીમ
યશ ધૂલ (કેપ્ટન), હરનૂર સિંઘ, અંગક્રિશ રઘુવંશી, એસકે રશીદ (વાઈસ કેપ્ટન), નિશાંત સિંધુ, સિદ્ધાર્થ યાદવ, અનીશ્વર ગૌતમ, દિનેશ બાના, આરાધ્યા યાદવ, રાજ અંગદ બાવા, માનવ પારખ, કૌશલ તાંબે, આરએસ હૈંગરગેકર, વાસુ વત્સ, વિક્કી ઓસ્તવાલ, રવિકુમાર, ગર્વ સાંગવાન
