ભારતમાં ઈલેક્ટ્રીક કાર ટેસ્લાના ચાહકોએ દેશમાં તેની એન્ટ્રી માટે વધુ રાહ જોવી પડી શકે છે. અબજોપતિ ઉદ્યોગપતિ અને ટેસ્લાના CEOએ ભૂતકાળમાં ભારતમાં આયાત ડ્યુટી સહિત અન્ય સમસ્યાઓનો સામનો કરવાની વાત કરી હતી. તેમની આ સમસ્યાને ધ્યાનમાં રાખીને દેશના ઘણા બિન-ભાજપ શાસિત રાજ્યોએ તેમને તેમના રાજ્યમાં ફેક્ટરી સ્થાપવા આમંત્રણ આપ્યું છે. જેમાં મહારાષ્ટ્ર, પંજાબ, પશ્ચિમ બંગાળ અને તેલંગાણાનો સમાવેશ થાય છે.
I invite @elonmusk, Punjab Model will create Ludhiana as hub for Electric Vehicles & Battery industry with time bound single window clearance for investment that brings new technology to Punjab, create green jobs, walking path of environment preservation & sustainable development https://t.co/kXDMhcdVi6
— Navjot Singh Sidhu (@sherryontopp) January 16, 2022
Advertisement
અમેરિકન મૂળની ઈલેક્ટ્રિક વાહન કંપની ટેસ્લાને ભારતીય રાજ્યોમાંથી એક પછી એક અનેક ઑફર્સ મળી રહી છે. પ્રથમ તેલંગાણાએ એલન મસ્કને રાજ્યમાં ટેસ્લા ફેક્ટરી સ્થાપવા આમંત્રણ આપ્યું. આ પછી પશ્ચિમ બંગાળ અને મહારાષ્ટ્રે પણ એક ડગલું આગળ આવીને કંપનીને ઓનલાઈન આમંત્રણ આપ્યું. હવે પંજાબે પણ તેમાં પ્રવેશ કર્યો છે અને અત્યાર સુધીમાં કુલ 4 બિન-ભાજપ શાસિત રાજ્યોએ ટેસ્લા સેટઅપ સ્થાપવા માટે એલન મસ્કને આમંત્રણ આપ્યું છે.
એલન મસ્કે ટ્વીટ કરીને જણાવી આ સમસ્યા
તમને જણાવી દઈએ કે, 16 જાન્યુઆરીના રોજ એલોન મસ્કે ટ્વીટ કરીને ભારતમાં પોતાની કાર લોન્ચ ન કરી શકવાનું કારણ આપ્યું હતું. મસ્કે લખ્યું કે, કંપની હાલમાં ભારત સરકાર સાથે સંખ્યાબંધ પડકારો પર કામ કરી રહી છે. તેઓ સરકાર સાથે વિવિધ મુદ્દાઓને ઉકેલવાનો પ્રયાસ કરી રહ્યા છે.
Still working through a lot of challenges with the government
— Elon Musk (@elonmusk) January 12, 2022
Advertisement
ભારતમાં 28 લાખથી વધુની કિંમતના આયાતી ઈલેક્ટ્રિક વાહનો પર 100 ટકા ટેક્સ વસૂલવામાં આવે છે. જ્યારે તેનાથી ઓછી કિંમતના વાહનો પર 60 ટકા ટેક્સ લાગે છે. જો મસ્કની કંપની ભારતમાં કાર લોન્ચ કરે તો તેની કિંમત વધુ હશે અને આ કારણે તેનું વેચાણ ઘટી શકે છે.
