વિશ્વભરના વૈજ્ઞાનિકોએ એસ્ટરોઈડને પૃથ્વી માટે ખતરનાક ગણાવ્યા છે. તેઓનું કહેવું છે કે એસ્ટરોઈડની ટક્કર પૃથ્વી પર વિનાશનું કારણ બની શકે છે. એકવાર એક મોટો એસ્ટરોઈડ પૃથ્વી સાથે અથડાયો જેના પછી પૃથ્વી પરથી ડાયનાસોર ખતમ થઈ ગયા. હવે ફરી એકવાર એસ્ટરોઈડ પૃથ્વી સાથે અથડાવાનો ખતરો છે.
આજે એટલે કે 18 જાન્યુઆરીએ એક એસ્ટરોઈડ પૃથ્વીની નજીકથી પસાર થશે, જે બુર્જ ખલીફા કરતા બેગણો મોટો છે. આ એસ્ટરોઈડનું નામ 7482 (1994 PC1) છે. જેને અત્યાર સુધીનો સૌથી મોટો એસ્ટરોઈડ કહેવામાં આવી રહ્યો છે. આ એસ્ટરોઈડની લંબાઈ લગભગ 1 કિમી (3280 ફૂટ) છે. તે પૃથ્વીથી 19.3 લાખ કિલોમીટર દૂરથી પસાર થશે. જે પૃથ્વી માટે ઓછો ખતરો છે.
વૈજ્ઞાનીકોએ ચેતવણી આપી છે કે, જો તેના માર્ગમાં થોડો પણ ફેરફાર થશે તો તે પૃથ્વી સાથે અથડાશે અને મોટો વિનાશ સર્જી શકે છે. યુએસ સ્પેસ એજન્સી નાસા દ્વારા પણ તેને ખતરનાક સિરીઝમાં રાખવામાં આવ્યો છે. આવો જાણીએ અત્યાર સુધીના 5 સૌથી મોટા અને સૌથી ખતરનાક એસ્ટરોઈડ વિશે.
1866 સિસિફસ
તે અત્યાર સુધી શોધાયેલો સૌથી મોટો એસ્ટરોઈડ છે. જે એપોલો જૂથનો છે. તેનો વ્યાસ લગભગ 7 કિલોમીટર છે. આ ખતરનાક એસ્ટરોઈડ 24 નવેમ્બર 2071ના રોજ પૃથ્વીથી 17,325,000 કિલોમીટરના અંતરેથી પસાર થશે. તે પૃથ્વી પરના સૌથી તેજસ્વી એસ્ટરોઇડ્સમાંનો એક છે.
1999 જેએમ8
આ એસ્ટરોઈડને ખતરનાક એસ્ટરોઈડમાં સામેલ કરવામાં આવ્યો છે. તેનો વ્યાસ પણ લગભગ 7 કિલોમીટર છે. આ એસ્ટરોઈડ 5 વખત 0.20 એયુ કરતાં વધુ પૃથ્વીની નજીકથી પસાર થયો હતો.
3122 ફ્લોરેન્સ
આ એસ્ટરોઈડ એમોર જૂથનો છે, જે એક પથરીલો ગ્રહ છે. તેને સંભવિત જોખમી એસ્ટરોઈડ તરીકે વર્ણવવામાં આવ્યો છે. તેનો વ્યાસ લગભગ 5 કિમી છે. તે પૃથ્વીની નજીક પહોંચી શકે છે. જો આ એસ્ટરોઈડ પૃથ્વી સાથે અથડાશે તો ભારે નુકસાન થઈ શકે છે.
99942 એપોફિસ
સંભવિત ખતરનાક એસ્ટરોઈડમાં આ એસ્ટરોઈડનો પણ સમાવેશ કરવામાં આવ્યો છે. તેનો વ્યાસ 370 મીટર છે. તે 2.7 ટકા સુધી પૃથ્વી સાથે અથડાવાની આગાહી કરવામાં આવી છે. તે 13 એપ્રિલ, 2029ના રોજ પૃથ્વીની નજીકથી પસાર થશે.
2010 RF12
તે ખૂબ જ નાનો એસ્ટરોઈડ છે, પરંતુ તે પૃથ્વીને અસર કરી શકે છે. તે 5 સપ્ટેમ્બર 2096ના રોજ પૃથ્વીની નજીકથી પસાર થવાનું કહેવાય છે. અગાઉ તે 8 સપ્ટેમ્બર 2010ના રોજ પૃથ્વીની નજીકથી પસાર થયો હતો.
