વડોદરાની દીકરીઓએ ગુજરાતનું ગૌરવ વધાર્યું છે. બંન્નેની ટીમ ઈન્ડિયામાં પસંદગી કરવામાં આવી છે. યાસ્તિકા ભાટિયાની વન-ડે અને ટી-20 ભારતીય મહિલા ક્રિકેટ ટીમમાં પસંદગી થઈ છે. તો રાધા યાદવની ટી-20 ફોર્મેટમાં ભારતીય મહિલા ક્રિકેટ ટીમમાં પસંદગી થઈ છે. બંને ક્રિકેટર્સની પસંદગી થતા વડોદરાનું નામ ફરી એકવાર નેશનલ સ્તરે ચમક્યુ છે.
બરોડા ક્રિકેટ એસોસિયેશન રમી રહેલી બે મહિલા ક્રિકેટર્સ યાસ્તિકા ભાટિયા અને રાધા યાદવની ટીમ ઈન્ડિયામાં પસંદગી કરવામાં આવી છે. યાસ્તિકા ભાટિયાની વનડે અને ટી 20 ક્રિકેટ ટીમમાં પસંદગી થઇ છે. જ્યારે રાધા યાદવની ટી 20 ફોર્મેટમાં પસંદગી થઇ છે.
Here are #TeamIndia's ODI and T20I squads for the Sri Lanka series 🔽 pic.twitter.com/e7yWckJtvG
Advertisement— BCCI Women (@BCCIWomen) June 8, 2022
11 વર્ષની ઉંમરે વડોદરા અંડર-19માં મેળવ્યું હતું સ્થાન
યાસ્તિકા ભાટિયાને ક્રિકેટ પ્રત્યેનાનપણથી જ લગાવ છે. તેણે 11 વર્ષની ઉંમરમાં જ વડોદરાની અંડર-19માં જગ્યા મેળવી લીધી હતી. 21 વર્ષની યાસ્તિકાએ ગત વર્ષે ઇન્ટરનેશનલ વન – ડે , ટી 20 અને ટેસ્ટ ફોર્મેટમાં ભારતીય ક્રિકેટ ટીમનું પ્રતિનિધિત્ત્વ કર્યું હતું. યાસ્તિકા છેલ્લાં કેટલાક સમયથી બરોડા ક્રિકેટ એસો.નું પ્રતિનિધિત્ત્વ છે. યાસ્તિકાએ અત્યાર સુધી ભારત માટે એક ટેસ્ટ, 12 વનડે અને ત્રણ ટી20 મેચ રમી છે. ICC વિમેન્સ વન-ડે ક્રિકેટ વર્લ્ડ કપ વર્ષ 2022 માટે પણ યાસ્તિકાની પસંદગી થઈ હતી. વર્લ્ડ કપની ભારતીય ટીમમાં વડોદરાની ક્રિકેટર યાસ્તિકા ભાટિયાનો સમાવેશ થયો હતો.
ભારતીય મહિલા ક્રિકેટ ટીમની દિગ્ગજ પ્લેયર અને વનડે કેપ્ટન મિતાલી રાજે બુધવારે ક્રિકેટમાંથી સંન્યાસની જાહેરાત કરી. તેમણે 23 વર્ષના લાંબા કરિયર પર વિરામ મૂક્યો છે. ત્યારે ભારતે આ મહિને શ્રીલંકા પ્રવાસ કરવાનો અને મિતાલીના સંન્યાસ બાદના થોડા જ કલાકમાં નવી ટીમની જાહેરાત કરવામા આવી છે.
