નવી દિલ્હી: દેશમાં કોરોના વાયરસના ચેપના ઝડપથી વધી રહેલા કેસો વચ્ચે પ્રધાનમંત્રી નરેન્દ્ર મોદીની અધ્યક્ષતામાં શુક્રવારે કેન્દ્રીય મંત્રી પરિષદની બેઠક યોજાઈ. દેશમાં કોરોના વાયરસ સંક્રમણની બીજી લહેર પછી આ મંત્રી પરિષદની આ પહેલી બેઠક છે. આ દરમિયાન, પ્રધાનોની પરિષદે એ માન્યું કે હાલની આફત સદીમાં એકવાર આવે છે અને તેને દુનિયા પર મોટું સંકટ પેદા કર્યું છે. આ સમય દરમિયાન, પીએમ મોદીએ કેન્દ્રીય મંત્રીઓને વિનંતી કરી કે તેઓ તેમના વિસ્તારના લોકો સાથે સંપર્કમાં રહે, તેમની મદદ કરે અને પરિસ્થિતિ વિશે જાણકારી લેતા રહે. આ સત્તાવાર નિવેદન મુજબ, મંત્રી પરિષદની બેઠકની અધ્યક્ષતા કરતા મોદીએ સ્થાનિક સ્તરે મુદ્દાઓની ઝડપથી ઓળખ અને નિરાકરણની ખાતરી કરવાની જરૂરિયાત પર પણ ભાર મૂક્યો.
નિવેદનમાં કહેવામાં આવ્યું કે, મંત્રી પરિષદે હોસ્પિટલોમાં બેડ, ઓક્સિજન સુવિધાઓની સંખ્યા વધારવા અને ઓક્સિજન તેમજ અન્ય જરૂરી દવાઓની ઉપલબ્ધતા સંબંધિત મુદ્દાઓના સમાધાન માટે લેવામાં આવેલા પગલાંઓની જાણકારી આપવામાં આવી. આ ઉપરાંત આર્થિક રીતે નબળા વર્ગને મદદ કરવા માટે મફત અનાજ અને જન ધન ખાતા ધારકોને સહાયતા અંગે પણ ચર્ચા કરવામાં આવી હતી. બેઠકમાં જણાવવામાં આવ્યું કે દેશમાં અત્યાર સુધીમાં 15 કરોડ કોવિડ વેક્સીન લોકોને આપવામાં આવી છે. નિવેદનના અનુસાર, બેઠકમાં એનો પણ ઉલ્લેખ કરવામાં આવ્યો હતો કે દેશ બંને રસીનું ઉત્પાદન કરવામાં સફળ રહ્યો છે અને રસીના ઘણા દાવેદારો મંજૂરીના વિવિધ તબક્કાઓમાંથી પસાર થઈ રહ્યા છે.
મંત્રી પરિષદે કોવિડ અનુકૂળ વ્યવહાર – માસ્ક પહેરવું, બીજાથી છ ફૂટનું સામાજિક અંતર રાખવું અને નિયમિતપણે હાથ ધોવા-ના મહત્વને પણ રેખાંકિત કર્યું. હવે આગળના વિશાળ કાર્યને પૂરું કરવા માટે સમાજની ભાગીદારીને મહત્વપૂર્ણ પહેલ તરીકે રેખાંકિત કરતા મંત્રીઓએ વિશ્વાસ વ્યક્ત કર્યો કે દેશ એક થઈને રોગચાળાને હરાવશે.
