10,000 લોકોની નોકરી પર જોખમ

HSBC બેંક કરી શકે છે સૉર્ટિંગ

એચએસબીસી બેંક (એચએસબીસી)માં કામ કરતા કર્મચારીઓની નોકરી પર સંકટ મંડરાઈ રહ્યો છે. એચએસબીસી બેંક 10,000 કર્મચારીઓને છૂટા કરી શકે છે. આ કારણ છે કે એચએસબીસી હોલ્ડિંગ્સ પીએલસી કૉસ્ટ-કટિંગ પર કામ કરી રહ્યું છે એટલે કે એચએસબીસી બેન્કિંગ ખર્ચ ઘટાડવા માંગે છે. તેથી, જલ્દીથી 10 હજાર લોકોની છણાવટ થઈ શકે છે.

વૈશ્વિક સ્તરે 2.38 લાખ કર્મચારીઓ છે

જણાવી દઈએ કે, આ મહિનાના અંતમાં, ત્રીજા ક્વાર્ટરના પરિણામોના અહેવાલ જાહેર કરવામાં આવશે અને આ સાથે નોકરીમાં કપાતની શરૂઆત કરવાની જાહેરાત પણ કરી શકાય છે. પ્રથમ, બેંક 4,700 નોકરીઓ કાપશે. વચગાળાના સીઈઓ નોઇલ ક્વિનની યોજના છે કે આખા બેંકિંગ જૂથના ખર્ચ ઘટાડવા પર કામ કરવામાં આવે. વૈશ્વિક સ્તરે એચએસબીસીના કર્મચારીઓની સંખ્યા 2.38 લાખ છે.

આ લોકોની જઈ શકે છે નોકરી 

ઉંચા વેતનવાળા કર્મચારીઓને કાઢવામાં આવી શકે છે. અગાઉ, એચએસબીસીએ તેના વૈશ્વિક પરિચાલનમાં ભારત સ્થિત ઓફિસોમાંથી મદદ કરનારા 150 કર્મચારીઓને નોંકરીમાંથી કાઢ્યા હતા. બેંકે કહ્યું હતું કે, વૈશ્વિક સ્તરે તેની કામગીરી ફરીથી ગોઠવવાની પ્રક્રિયાના ભાગરૂપે તેણે આ પગલું ભર્યું છે. 

બેંકના મેનેજમેન્ટ લેવલના કર્મચારીઓને મુખ્યત્વે પુના અને હૈદરાબાદમાં હટાવવામાં આવ્યા છે. ફાઇનાન્સિયલ ટાઇમ્સના અહેવાલમાં આ દાવો કરવામાં આવ્યો છે. પરંતુ એસએસબીસીએ આ મામલે કોઈ નિવેદન આપવાની ના પાડી દીધી છે. અહેવાલમાં જણાવાયું છે કે, એચએસબીસીના પ્રવક્તાએ નોકરીના કાપ અંગે કોઈ ટિપ્પણી કરવાનો ઇનકાર કર્યો છે.

Share This:  

Recent Comments

Leave Comments

Top