દેશની સૌથી મોટી સરકારી બેંક ભારતીય રિઝર્વ બેંક પર મોટાભાગના લોકોને વિશ્વાસ છે. જો તમારું પણ SBIમાં ખાતું છે, તો આ સમાચાર તમારા માટે જ છે. હવે તમારે રોકડ ઉપાડવા અથવા જમા કરવા માટે બેંક અથવા એટીએમમાં જવાની જરૂર નથી. તમે ફક્ત કોલ કરીને ઘરે રોકડ મંગાવી શકો છો. SBIની આ સર્વિસનું નામ છે Doorstep Banking (DSB) Services. આ સર્વિસ અંતર્ગત ગ્રાહકો 20000 રૂપિયા સુધીનું ટ્રાન્ઝેક્શન કરી શકે છે. ડોર સ્ટેપ બેંકિંગની આ સુવિધા અમુક શરતોને આધીન છે.
ઘરે બેઠા મંગાવી શકો છો 20 હજાર રૂપિયા
SBIની વેબસાઈટ મુજબ, ડોર સ્ટેપ સુવિધા માટે રજિસ્ટ્રેશન હોમ બ્રાન્ચમાં જરૂરી છે. રોકડ ઉપાડ અને રોકડ રકમ જમા કરવાની મહત્તમ મર્યાદા 20,000 રૂપિયા છે. એટલે કે, ડોર સ્ટેપ સુવિધા હેઠળ તમે ઘરે બેઠા દિવસમાં 20 હજાર રૂપિયા મંગાવી શકો છો અથવા જમા કરાવી શકો છો. આ સિવાય ડોર સ્ટેપ બેંકિંગમાં ચેકબુક, લાઇફ સર્ટિફિકેટ, ડિમાન્ડ ડ્રાફ્ટ અથવા ડિપોઝિટ જેવી સુવિધાઓ પણ ઉપલબ્ધ છે.
ડોરસ્ટેપ બેંકિંગ માટે સર્વિસ ચાર્જ
SBIની નવી ડોરસ્ટેપ બેંકિંગ સેવા સંયુક્ત, બિન-વ્યક્તિગત અને નાના ખાતા પર ઉપલબ્ધ રહેશે નહીં. બીજી બાજુ જો ગ્રાહકનું નોંધાયેલ સરનામું હોમ બ્રાંચના 5 કિમીના ત્રિજ્યામાં આવે છે, તો આ સુવિધા ઉપલબ્ધ રહેશે નહીં. ડોરસ્ટેપ બેંકિંગમાં નાણાકીય અને બિન-નાણાકીય સેવાઓ માટે 75 રૂપિયા + જીએસટી ચાર્જ લાગશે.
આ રીતે મંગાવો રૂપિયા
ડોરસ્ટેપ બેંકિંગ સર્વિસનું રજિસ્ટ્રેશન મોબાઈલ એપ્લિકેશન, વેબસાઈટ અથવા કોલ સેન્ટર દ્વારા થઈ શકે છે. ટોલ ફ્રી નંબર 1800111103 પર ફોન કરીને પણ રજિસ્ટ્રેશન કરી શકાય છે. વધુ વિગતો માટે ગ્રાહકો https://bank.sbi/dsb પર ક્લિક કરી શકે છે.
DSB એપમાં આ રીતે કરો રજિસ્ટ્રેશન
– ડોરસ્ટેપ બેંકિંગ એપ ડાઉનલોડ કરો.
– તેમાં મોબાઇલ નંબર સાથે રજિસ્ટ્રેશ કરો
– આ સિસ્ટમથી OTP જનરેટ થશે અને તમારા મોબાઈલ ફોન પર મોકલવામાં આવશે.
– DSB એપમાં આ OTP દાખલ કરો.
– કન્ફોર્મેશન માટે તમારું નામ અને ઇમેઇલ, પાસવર્ડ (પિન) દાખલ કરો અને નિયમો અને શરતો સ્વીકારો.
– ડીએસબી એપ તમને રજિસ્ટ્રેશન દરમિયાન સ્વાગત એસએમએસ મોકલશે
– ત્યાં વધારાની માહિતી માટે PIN વડે લોગીન કરો.
– આમાં, સરનામું દાખલ કરવાની સાથે સરનામું ઉમેરવાનો વિકલ્પ પણ છે. તમે એક કરતા વધારે એડ્રેસ ઉમેરી શકો છો અને તેને DSB એપમાં સ્ટોર કરી શકો છો.
