દેશભરમાં દિવાળીનો તહેવાર ધૂમધામથી ઉજવાઈ રહ્યો છે. આજે નાની દિવાળી છે, ગુરુવારે લક્ષ્મી પૂજન પછી ભાઈ દૂજ અને છઠનો તહેવાર મનાવવામાં આવશે. તહેવારોની સિઝનમાં મીઠાઈનું વેચાણ વધી જાય છે. મીઠાઈઓની માંગ વધુ હોવાથી નકલી માવાની મીઠાઈઓ પણ બજારમાં આવી જાય છે. આવી સ્થિતિમાં, જો તમે પણ મીઠાઈ ખરીદવાનું વિચારી રહ્યા છો, તો તમારે સાવચેત રહેવાની જરૂર છે.
મીઠાઈ બનાવવા માટે સૌથી મુખ્ય સામગ્રી ખોયા હોય છે. પરંતુ તેની શુદ્ધતા વિશે હંમેશા પ્રશ્નો ઉભા થાય છે. કેટલાક લોકો મીઠાઈ બનાવવા માટે સિન્થેટિક ખોયાનો ઉપયોગ કરે છે. આવી સ્થિતિમાં, તમે બજારમાંથી મીઠાઈઓ લાવતા હોવ અથવા ઘરે મીઠાઈ બનાવવા માટે ખોયા ખરીદો છો તો, તમારે ખૂબ કાળજી લેવાની જરૂર છે કારણ કે ભેળસેળવાળા ખોયા (માવા)ની મીઠાઈ તમારા સ્વાસ્થ્યને નુકસાન પહોંચાડી શકે છે.
* આ રીતે કરો અસલી અને નકલીની ઓળખ
-માવા (ખોયા) માં થોડી ખાંડ નાખી ગરમ કરો, જો તે પાણી છોડવા લાગે તો તે ભેળસેળવાળી છે.
-માવાને હાથ પર ઘસો, જો તે અસલી હશે તો તેમાંથી દેશી ઘીની સુગંધ આવશે. નકલીમાં વિચિત્ર ગંધ હશે.
-અસલી માવો ખાવાથી મોંમાં ચોંટી જતો નથી, જ્યારે નકલી માવો ખાવાથી મોંમાં ચોંટી જાય છે. જ્યારે અસલી માવો હશે ત્યારે તેનો સ્વાદ કાચા દૂધ જેવો હશે. જો ભેળસેળવાળો માવો પાણીમાં નાખવામાં આવે તો તે અલગ થઈ જાય છે, જ્યારે અસલી માવો પાણીમાં ભળી જાય છે.
-જ્યારે, માવો થોડોક ખાઈને જુઓ, જો માવો દાણાદાર લાગે છે, તો તે ભેળસેળની નિશાની છે.
* આ રીતે બને છે નકલી માવો
નકલી માવો બનાવવામાં સ્ટાર્ચ, આયોડીન, સિંઘોડાનો લોટ અને બટાટા મિક્સ કરવામાં આવે છે જેથી તેનું વજન વધી શકે. આ સિવાય નકલી માવો અસલી માવા જેવો જ લાગે છે, જેથી તેમાં કેટલાક કેમિકલ પણ ભેળવવામાં આવે છે. કેટલાક દુકાનદારો દૂધના પાવડરમાં વનસ્પતિ ઘી ભેળવીને માવો તૈયાર કરે છે.
* કેવી રીત બને છે સિન્થેટિક દૂધ?
-તહેવારો પહેલા બજારમાં સિન્થેટીક દૂધ એટલે કે ઝેરી દૂધનું વેચાણ પણ વધી જાય છે. સિન્થેટીક દૂધ બનાવવા માટે, સૌ પ્રથમ, તેમાં યુરિયા ઉમેરવામાં આવે છે અને તેને ધીમી આંચ પર ઉકાળવામાં આવે છે.
-આ પછી, તેમાં લોન્ડ્રી ડિટર્જન્ટ, સોડા સ્ટાર્ચ અને ફોર્મેલિન ઉમેરવામાં આવે છે. આ પછી, તેમાં થોડું અસલી દૂધ પણ ઉમેરવામાં આવે છે.
-ભેળસેળવાળો માવો અને સિન્થેટિક દૂધ પીવાથી ફૂડ પોઈઝનિંગ, ઉલ્ટી અને ઝાડા થઈ શકે છે. તેની કીડની પર પણ ખૂબ જ ખરાબ અસર પડે છે.
-અધિક માત્રામાં નકલી માવાથી બનેલી મીઠાઈઓ ખાવાથી લીવરને પણ નુકસાન પહોંચી શકે છે. કેન્સર સુધી થઈ શકે છે.
