ભારતીય બુલિયન માર્કેટમાં આજે એટલે કે 13 ઓક્ટોબર 2021ના રોજ સોનાના ભાવમાં તેજી જોવા મળી છે. ચાંદીના ભાવમાં પણ વધારો થયો છે. તમને જણાવી દઈએ કે, છેલ્લા કેટલાક દિવસોથી સોનાના ભાવમાં ઘટાડો જોવા મળ્યો હતો. જે બાદ સોનું રેકોર્ડથી 9059 રૂપિયા સુધી સસ્તું થયું. હવે સોનાના ભાવ ફરી એક વખત વધવા લાગ્યા છે.
મલ્ટી કોમોડિટી એક્સચેન્જ (MCX) પર આજે ડિસેમ્બર ડિલિવરીવાળા સોનાના ભાવમાં 0.3 ટકાનો નજીવો વધારો નોંધાયો છે. જ્યારે ચાંદીના ભાવમાં 0.39 ટકાનો વધારો થયો છે.
જાણો સોના અને ચાંદીની કિંમત
ડિસેમ્બર ડિલિવરીવાળા સોનાની કિંમત આજે 0.3 ટકા વધીને તેજી સાથે 47,214 રૂપિયા પ્રતિ 10 ગ્રામ છે. જ્યારે ચાંદીની કિંમત 0.39 ટકાના વધારા સાથે રૂ.61,826 પર કારોબાર કરી રહી છે.
મિસ્ડ કોલથી જાણો સોનાનો ભાવ
તમને જણાવી દઈએ કે, આ ભાવને તમે સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ મારવો પડશે અને તમારા ફોન પર એક મેસેજ આવશે, જેમાં તમે લેટેસ્ટ રેટ ચેક કરી શકો છો.
આ રીતે ચેક કરી શકો છો સોનાની શુદ્ધતા
તમને જણાવી દઈએ કે, હવે જો તમારે સોનાની શુદ્ધતા તપાસવી હોય તો આ માટે સરકાર દ્વારા એક એપ બનાવવામાં આવી છે.‘BIS Care app’દ્વારા ગ્રાહકો સોનાની શુદ્ધતા ચકાસી શકે છે. આ એપ દ્વારા તમે માત્ર સોનાની શુદ્ધતા ચકાસી શકતા નથી, પરંતુ તમે તેનાથી સંબંધિત કોઈપણ ફરિયાદ પણ કરી શકો છો.
