ક્રિપ્ટોકરન્સીની દુનિયા આ દિવસોમાં ઝડપથી બદલાઈ રહી છે. એક તરફ બિટકોઈન અને ઈથેરિયમ જેવી મેનસ્ટ્રીમ ક્રિપ્ટોકરન્સી છે, તો બીજી તરફ મીમકોઈન (Memecoin) અને ઓલ્ટકોઈન (Altcoin)ની ચર્ચા છે. આ બધાની વચ્ચે ઘણી નવી ક્રિપ્ટોકરન્સી આવી રહી છે, જે આશ્ચર્યજનક રિટર્ન આપી રહી છે. આ કડીમાં ક્રિપ્ટો ટોકન (Crypto Token) એકતા (Ekta)નું નવું નામ જોડાઈ ગયું છે. છેલ્લા સાત દિવસમાં આ નવા ટોકનમાં 2.9 અબજ ટકાની તેજી આવી છે.
સાત દિવસમાં આટલી વધી વેલ્યૂ
coinmarketcap પર ઉપલબ્ધ ડેટા અનુસાર, એકતા ટોકનની વેલ્યૂ સાત દિવસ પહેલા 0.00000001396 ડોલર હતી, જે હવે 0.4039 ડોલર પર આવી ચૂકી છે. આ એક સપ્તાહમાં 2,893,266,376 ટકાની તેજી આવી છે. એનો મતલબ છે કે જો કોઈ વ્યક્તિએ એક સપ્તાહ પહેલા આ ટોકનમાં રૂ.1000નું રોકાણ કર્યું હોત, તો તેમનું રોકાણ અત્યારે વધીને રૂ. 2,989.32 કરોડ થઈ ગયું હોત.
યુનિટીની વેબસાઈટ પર ઉપલબ્ધ માહિતી મુજબ, તે ફિઝિકલ એસેટ્સ અને કમ્યુનિટીઝને ઓન-ચેઈન બનાવવા પર કેન્દ્રિત બ્લોકચેન છે. આ ટોકનની ટૂંક સમયમાં પબ્લિક લિસ્ટિંગ થવા જઈ રહી છે. અત્યાર સુધીમાં તેને સીડ ફંડિંગ અને પ્રાઈવેટ સેલથી 50 લાખ ડોલરથી વધારેની રકમ એકત્ર કરવામાં સફળતા હાંસિલ કરી છે. છેલ્લા એક સપ્તાહ દરમિયાન આશ્ચર્યજનક તેજી પછી પણ ટોકન હજુ પણ તેના જૂના ઓલ-ટાઇમ હાઈથી નીચે છે. તેની ઓલ ટાઈમ હાઈ પર જવા માટે તેને હવે વધીને 96 ટકા સુધી પહોંચવું પડશે.
માત્ર આટલું જ છે આ ક્રિપ્ટોનું એમકેપ
જોકે, ક્રિપ્ટોમાર્કેટમાં આ ટોકનનો હિસ્સો ઘણો ઓછો છે. અત્યારે તેનું mcap (Ekta Coin MCap) 50 લાખ ડોલરથી ઓછું છે. હાલ તેના 12,097,924 ટોકન સપ્લાયમાં છે. પ્રોજેક્ટની વિગતો મુજબ, તેના વધારેમાં વધારે 420,000,000 ટોકન્સની જ સપ્લાય કરી શકાય છે.
