હિંદુ ધર્મમાં પરિણીત મહિલા માટે માંગમાં સિંદૂર, ગળામાં મંગળસૂત્ર અને પગમાં વિંછીયા પહેરવાનું અનિવાર્ય માનવામાં આવે છે. આવું એટલા માટે છે કારણ કે તેને સુહાગની નિશાની માનવામાં આવે છે. એવું માનવામાં આવે છે કે માંગમાં સિંદૂર લગાવવાથી પતિનું આયુષ્ય વધે છે. ગળામાં મંગળસૂત્ર પહેરવાથી પતિ હંમેશા ખરાબ નજરથી દૂર રહે છે. તેવી જ રીતે, વિંછીયા વિશે પણ કેટલીક માન્યતાઓ છે. આ વિશે આગળ જાણો.
ચંદ્ર ગ્રહ સાથે છે વિંછીયાનું કનેક્શન
વિવાહિત સ્ત્રી માટે પગમાં વિંછીયા પહેરવા પણ શુભ માનવામાં આવે છે. જ્યોતિષ શાસ્ત્ર અનુસાર, વિંછીયાનું કનેક્શન ચંદ્ર ગ્રહ સાથે છે. આ જ કારણ છે કે પરિણીત મહિલાઓ પગમાં ચાંદીની વીંટી પહેરે છે. ચાંદીના વિંછીયા પહેરવાથી ચંદ્ર ગ્રહની શુભતા મળે છે. આવી સ્થિતિમાં પગના વિંછીયા ન ખોવાવા જોઈએ, કારણ કે તેને અશુભ માનવામાં આવે છે. એવું માનવામાં આવે છે કે વિંછીયા ગુમાવવાથી પતિ બીમાર થઈ શકે છે.
બીજાને ન આપો પોતાના પગના વિંછીયા
પરિણીત સ્ત્રીએ પોતાના વિંછીયા અન્ય કોઈ સ્ત્રીને ન આપવા જોઈએ. આમ કરવાથી પતિ-પત્નીના સંબંધોમાં ખટાશ આવવા લાગે છે. શાસ્ત્રો અનુસાર વિવાહિત સ્ત્રીએ જમણા અને ડાબા પગની બીજી આંગણીમાં વિંછીયા ધારણ કરવું શુભ ગણાય છે. આ સિવાય ચાંદીની પાયલ પહેરવી પણ શુભ માનવામાં આવે છે. તેને લક્ષ્મીનું સ્વરૂપ માનવામાં આવે છે. તેથી, તે કાળજી સાથે પહેરવા જોઈએ. તેને ગુમાવવાથી જીવન પર નકારાત્મક અસર પડે છે.
પગની બીજી આંગળીમાં પહેરો વિંછીયા
જ્યારે, સ્ત્રીઓના પગની બીજી આંગળીની તંત્રિકાઓનો સીધો સંબંધ ગર્ભાશય સાથે હોય છે. જે હૃદયમાંથી પસાર થાય છે. તેથી, જમણા અને ડાબા પગની બીજી આંગળીમાં વિંછીયા પહેરવાની સલાહ આપવામાં આવે છે. આવી સ્થિતિમાં, આ રીતે પગમાં વિંછીયાને પહેરવાથી ગર્ભાશય સ્વસ્થ રહે છે અને બ્લડ પ્રેશર સામાન્ય રહે છે.
નોંધ- આ લેખ ફક્ત વાંચકોના રસને ધ્યાનમાં રાખીને તેમજ કેટલીક માન્યતાઓના આધારે શેર કરવામાં આવ્યો છે, અમે તેની પુષ્ટિ કરતા નથી.
