સાઉથ ફિલ્મ ઈન્ડસ્ટ્રીમાંથી એક ચોંકાવનારા સમાચાર સામે આવ્યા છે. સાઉથ ઈન્ડસ્ટ્રીના સુપરસ્ટાર એક્ટર ધનુષ અને તેમની પત્ની ઐશ્વર્યા કાયમ માટે અલગ થઈ રહ્યા છે અને આ અંગે ધનુષ અને ઐશ્વર્યાએ સોશિયલ મીડિયા પર એક નોટ શેર કરી છે. બંનેએ એક-એક નોટ શેર કરી છે, જેમાં લગભગ સમાન વાત જ લખવામાં આવી છે.
ટ્વીટર પર પોતાની નોંધ શેર કરતા ધનુષે લખ્યું, ‘મિત્ર તરીકે, દંપતી તરીકે, માતા-પિતા તરીકે અને એકબીજાના શુભચિંતક તરીકે 18 વર્ષ સાથે રહ્યા. આ સફર સમજણ, વિકાસ એડજસ્ટમેન્ટ અને અનુકૂલનની રહી છે. આજે અમે એક એવી જગ્યાએ ઊભા છીએ જ્યાં અમારા રસ્તા અલગ છે. ઐશ્વર્યા અને મેં એક દંપતી તરીકે અલગ થવાનું નક્કી કર્યું છે અને પોતાને વધુ સારી રીતે સમજવા માટે સમય કાઢવાનો નિર્ણય કર્યો છે. ચાહકો અમારા નિર્ણયનો આદર કરો અને તેની સાથે ડીલ કરવા માટે અમને જરૂરી પ્રાઈવસી આપો. ઓમ નમઃ શિવાય!’ આ નોટની સાથે ધનુષે એક ઈમોજી પણ મૂક્યું છે.
🙏🙏🙏🙏🙏 pic.twitter.com/hAPu2aPp4n
Advertisement— Dhanush (@dhanushkraja) January 17, 2022
સાઉથ ઈન્ડસ્ટ્રીના સુપરસ્ટાર એક્ટર ધનુષે 18 નવેમ્બર 2004ના રોજ અભિનેતા રજનીકાંતની પુત્રી ઐશ્વર્યા રજનીકાંત સાથે ખૂબ ધામધૂમથી લગ્ન કર્યા હતા. જ્યારે ધનુષે લગ્ન કર્યા ત્યારે તેઓ માત્ર 23 વર્ષના હતા. બંનેની પહેલી મુલાકાત વર્ષ 2003માં એક ફિલ્મના સેટ પર થઈ હતી. ધનુષ અને ઐશ્વર્યાના બે બાળકો પણ છે, જેમનું નામ યત્રા અને લિંગા છે.
ધનુષની કારકિર્દી વિશે વાત કરીએ તો અભિનેતાએ વર્ષ 2002માં રિલીઝ થયેલી ફિલ્મ ‘થુલ્લુવધો ઇલામાઈ’થી તેમની કારકિર્દીની શરૂઆત કરી હતી. આ ફિલ્મમાં ધનુષના કામને દર્શકોએ ખૂબ પસંદ કર્યું, જેના કારણે તેઓ પોતાની પહેલી ફિલ્મથી જ ચાહકોમાં ફેમસ થઈ ગયા. તે પછી તેમણે ઘણી હિટ ફિલ્મોમાં કામ કર્યું. સુપરસ્ટાર ધનુષે અત્યાર સુધી 50થી વધુ ફિલ્મોમાં કામ કર્યું છે.
ધનુષ બોલિવૂડમાં પણ પોતાનું નસીબ અજમાવી ચૂક્યા છે. તેઓ વર્ષ 2013માં આવેલી ફિલ્મ ‘રાંઝણા’માં જોવા મળ્યા હતા. હાલમાં જ તેમની ફિલ્મ ‘અતરંગી રે’ રીલીઝ થઈ છે. આ ફિલ્મમાં તેઓ સારા અલી ખાન અને અક્ષય કુમાર સાથે જોવા મળ્યા હતા.
