દિલ્હી પોલીસની સ્પેશિયલ સેલની ટીમે પાકિસ્તાનના આતંકી મોડ્યુલનો પર્દાફાશ કર્યો છે. દિલ્હી પોલીસે પાકિસ્તાનમાં ટ્રેનિંગ લેનાર બે આતંકવાદીઓ સહિત કુલ છની ધરપકડ કરી છે.
સાથે જ પોલીસે આ દરમિયાન તેમની પાસેથી હથિયારોનો જથ્થો પણ કબજે કર્યો છે. મળતી માહિતી મુજબ, દિલ્હીમાં પાકિસ્તાનના મોટા ષડયંત્રનો ખુલાસો થયો છે, ગુપ્તચર એજન્સીએ 2 પાક નાગરીકો સહિત 6 લોકોની ધરપકડ કરી છે.
Delhi Police Special Cell has busted a Pak-organised terror module, arrested 6 people including two terrorists who received training in Pakistan pic.twitter.com/ShadqybnKU
Advertisement— ANI (@ANI) September 14, 2021
આ પાકિસ્તાની આતંકી મોડ્યુલ માટે કામ કરવાવાળા બે લોકોએ પાકિસ્તાનમાં ટ્રેનિંગ મેળવી હતી. આ આતંકવાદી મોડ્યૂલના ખુલાસા માટે એજન્સીએ ઉત્તર પ્રદેશ, મહારાષ્ટ્ર અને દિલ્હીમાં દરોડા પાડ્યા અને કુલ 6 લોકોની ધરપકડ કરી. એજન્સીનો દાવો છે કે ધરપકડ કરવામાં આવેલા આ સંદિગ્ધ આતંકવાદીઓ પાસેથી મોટી સંખ્યામાં હથિયાર અને વિસ્ફોટક મળી આવ્યા છે.
પાકિસ્તાન આધારિત આતંકવાદી મોડ્યૂલના સભ્યો બે પાકિસ્તાનીઓના ઇશારે કામ કરી રહ્યા હતા. સુત્રોના જણાવ્યા મુજબ, ધરપકડ કરાયેલ આતંકીઓમાં મોહમ્મદ ઓસામા, જીશાન કમર, જાન મોહમ્મદ અલી શેખ, મોહમ્મદ અબુ બકર છે. તેમની પાસેથી પોલીસે વિસ્ફોટક સામગ્રી પણ જપ્ત કરી છે. હાલ તમામની ધરપકડ કરી વધુ પૂછપરછની કાર્યવાહી હાથ ધરવામાં આવી છે.
