जन मन INDIA
slider news જીવનશૈલી

આ ડ્રાયફ્રુટનું સેવન કરવાથી અનેક બીમારીઓમાં મળશે રાહત, આજથી જ ખાવાનું શરૂ કરી દો

આપણે શરીરને સ્વસ્થ રાખવા માટે અનેકે પોષણયુક્ત આહાર લઈએ છીએ. અલગ અલગ પ્રકારનો આહાર સ્વાદિષ્ટ તો લાગે જ છે સાથે બીમારીઓને પણ દૂર રાખે છે. ભોજન ઉપરાંત આપણે ઘણી એવી વસ્તુઓનું સેવન કરીએ છીએ જેનાથી શરીરને ફાયદો થાય જેમ કે ડ્રાયફ્રૂટ્સ. આ ડ્રાયફ્રૂટ્સમાં પણ એક ડ્રાયફ્રુટ, પિસ્તા ખાવામાં જેટલા સ્વાદિષ્ટ છે તેટલા આપણા શરીર માટે પણ ફાયદાકારક છે. પિસ્તા એન્ટી-ઓક્સીડેંટ્સથી ભરપૂર છે જે આપણને કેન્સર જેવી ગંભીર બીમારીઓથી દૂર રાખે છે. તે જ રીતે પિસ્તાના ઘણા ચમત્કારિક ફાયદા છે, જેના વિશે તમને જણાવીએ.

ડાયાબિટીસને નિયંત્રણમાં રાખે છે

જે લોકોને ડાયાબિટીસની તકલીફ હોય છે તેઓને પિસ્તા ખાવાની સલાહ આપવામાં આવે છે. નિષ્ણાંતોનું માનવું છે કે પિસ્તાનું સેવન કરવાથી લોહીમાં શુગર લેવલ સામાન્ય બની રહે છે. આ ઉપરાંત પિસ્તાનું સેવન ડાયાબિટીસને નિયંત્રણમાં રાખીને તમને ઘણા પ્રકારની અન્ય તકલીફોથી પણ બચાવી શકે છે.

આંખો માટે ફાયદાકારક

પિસ્તામાં બે એન્ટી ઓક્સીડેંટ્સ રહેલા છે, લ્યુટિન અને જોક્સન્થિન, જે આંખોમાં થતા મોતિયા અને ઉંમર વધવાની સાથે થતી આંખોની બીમારીઓને રોકવામાં મદદરૂપ થઇ શકે છે. આંખોનું તેજ વધારવા ઉપરાંત પિસ્તાનું નિયમિત સેવન કરવાથી ઘણી બીજી રીતે પણ આંખો માટે લાભદાયી છે.

માથાના દુખાવામાં રાહત આપે છે

દિવસભરનો તણાવ, ખાવા પીવામાં બદલાવના કારણે થાક અને માથાના દુખાવાની પરેશાની થાય છે. કોમ્પ્યુટર પર કામ કરવાના કારણે પણ માથામાં દુખાવો થવા લાગે છે. પિસ્તા માથાના દુખાવાને ઓછો કરે છે. પિસ્તાના બીના તેલને માથામાં લગાવવાથી માથાના દુખાવામાં રાહત મળે છે.

આંતરડા માટે ફાયદાકારક છે પિસ્તા

પિસ્તા ફાયબરથી ભરપૂર હોય છે તેથી તે પાચનતંત્ર અને આંતરડાને સ્વસ્થ રાખવામાં મદદ કરે છે. જે લોકોને કબજિયાતની સમસ્યા છે તેમના માટે પણ આ ખુબ ફાયદાકારક બની શકે છે. પિસ્તા ખાવાથી પેટના સારા બેક્ટેરિયાની સંખ્યા વધે છે જેના કારણે સ્વાસ્થ્ય સારું બની રહે છે.

દસ્તમાં પિસ્તાના ફાયદા

જે લોકોને સતત દસ્તની તકલીફ થાય છે તેઓ પણ પિસ્તાનું સેવન કરી શકે છે. દસ્ત રોકવાની સાથે તેનાથી આવતી નબળાઈને દૂર કરવામાં પણ પિસ્તા ફાયદાકારક છે. પિસ્તાના ઝાડની છાલનો ઉકાળો પીવાથી દસ્તમાં તરત જ રાહત મળી શકે છે.

Related posts

એન્ટિલિયા કેસઃ NIAએ સચિન વાજેના નજીકના સહયોગી રિયાઝ કાઝીની કરી ધરપકડ

malay kotecha

કોરોના સંકટઃ રાજકોટના જેતપુરમાં આજથી 30 એપ્રિલ સુધી શનિ-રવિ સ્વૈચ્છિક લોકડાઉન રાખવાનો નિર્ણય

malay kotecha

દાહોદના દેલસર ગામે એક રહેણાંક મકાનમાંથી યુવકનો ગળેફાંસો ખાધેલી હાલતમાં મળી આવ્યો મૃતદેહ

malay kotecha

Leave a Comment