આવતીકાલે 2 એપ્રિલથી ચૈત્રી નવરાત્રીનો પ્રારંભ થઈ રહ્યો છે. ત્યારે યાત્રાધામ અંબાજી ખાતે આવતા હજારો દર્શનાર્થીઓને દર્શન આરતીનો લાભ લેતા હોય છે. લોકોને દર્શન કરવામાં સરળતા રહે તે માટે અંબાજી મંદિરમાં હિન્દુઓના વિક્રમ સંવતના નવા વર્ષથી દર્શન આરતીનાં સમયમાં પણ ફેરફાર કરવામાં આવ્યો છે. નવરાત્રીના પ્રથમ દિવસે, ઘટ સ્થાપનનો પણ સમય નક્કી કરવામાં આવ્યો છે.
આરતી અને દર્શનનો સમય
- સવારે આરતી – 07.00 થી 07.30
- ઘટ સ્થાપન સવારે – 9.00 થી 10.30
- સવારના દર્શન – 08.30 થી 11.30
- બપોરે દર્શન – 12.30 થી 4.30
- સાંજની આરતી – 7.00 થી 07.30
- સાંજે દર્શન – 07.30 થી રાત્રિનાં 9.00
અંબાજી મંદિરના ભટ્ટજી મહારાજ દેવાંગભાઈ ઠાકરે જણાવ્યં કે, ચૈત્ર સુદ આઠમ તારીખ 8 એપ્રિલના રોજ સવારે આરતી 6.00 કલાકે થશે અને ચૈત્રી પૂનમ તારીખ 16 એપ્રિલના રોજ સવારે આરતી 6.00 કલાકે થશે.
જોકે આમ તો વર્ષ દરમિયાન આસો અને ચૈત્રી આમ બે નવરાત્રિનું મહત્વ હોય છે. આ વસંતીય ચૈત્રી નવરાત્રિને લઈ અંબાજીમાં યાત્રિકોની ભારે ભીડ રહેતી હોય છે. આ વખતે અંબાજી મંદિરમાં નવ દિવસ 24 કલાકની અખંડ ધુન માટે પરમિશન પણ આપવામાં આવી છે.
અમારી સાથે જોડાઓ અને મેળવો દિવસભરના મુખ્ય સમાચારોની અપડેટ્સ સીધી તમારા મોબાઈલ પર
ટેલીગ્રામ માટે ☝ QR CODE અથવા આ લિંક પર ક્લિક કરો
YOUTUBE , SHARECHAT , FACEBOOK , TWITTER, INSTAGRAM
