ક્રિકેટના ચાહકો માટે એક મોટી અપડેટ સામે આવી છે. આ મહિનાના અંતમાં યોજાનાર એશિયા કપની તારીખો જાહેર કરી દેવામાં આવી છે. BCCIના સચિવ જય શાહે મંગળવારે સાંજે આની જાહેરાત કરી હતી. 27 ઓગસ્ટથી શરૂ થનારી આ ટુર્નામેન્ટમાં ભારત અને પાકિસ્તાનની ટીમો 28 ઓગસ્ટે સામસામે ટકરાશે.
આ વખતે એશિયા કપ T20 ફોર્મેટમાં રમાશે. પ્રથમ મેચ શ્રીલંકા અને અફઘાનિસ્તાન વચ્ચે દુબઈમાં રમાશે. ભારત અને પાકિસ્તાનની ટીમો રવિવારે (28 ઓગસ્ટ) આમને સામને આવશે, આ મેચ પણ દુબઈમાં રમાશે.
આ ઈવેન્ટમાં 27 ઓગસ્ટથી 31 ઓગસ્ટ સુધી ગ્રુપ મેચો રમાશે, ત્યારબાદ સુપર-4ની ટીમોની મેચો થશે જે 3 સપ્ટેમ્બરથી 9 સપ્ટેમ્બર સુધી રમાશે. જ્યારે એશિયા કપ 2022ની ફાઇનલ મેચ 11 સપ્ટેમ્બરને રવિવારે રમાશે.
એશિયા કપ 2022માં ભારતની મેચો
- 28 ઓગસ્ટ – ભારત વિરુદ્ધ પાકિસ્તાન, દુબઈ
- 31 ઓગસ્ટ – ભારત VS ક્વોલિફાઈંગ ટીમ, દુબઈ
અહીં આખું શેડ્યૂલ જોઈ શકો છો…
ગયા વર્ષના T20 વર્લ્ડ કપ બાદ આ પહેલીવાર હશે જ્યારે ટીમ ઈન્ડિયા પાકિસ્તાન સામે ટકરાશે. તે મેચ પણ યુએઈમાં જ રમાઈ હતી. જેમાં પાકિસ્તાને ભારતને 10 વિકેટે હરાવ્યું હતું.
આ પહેલા આ ઈવેન્ટ શ્રીલંકામાં યોજાવાની હતી, પરંતુ શ્રીલંકામાં ખરાબ સ્થિતિને કારણે આ ટુર્નામેન્ટનું આયોજન ત્યાં કરવામાં આવ્યું નથી. હવે આ કપ UAEમાં રમાશે. જો કે, અહીં પણ આ ટૂર્નામેન્ટનું યજમાન શ્રીલંકા ક્રિકેટ જ રહેશે.
