- ટેક્નોલૉજી

ઓછી કિંમતમાં Motorolaનું Smart TV લૉન્ચ

સ્માર્ટફોન બનાવતી કંપની મોટોરોલાએ ભારતીય બજારોમાં મોટોરોલા ટીવી લૉન્ચ કર્યું છે. સોમવારે, કંપનીએ મોટો ઇ6એસ સ્માર્ટફોન લોન્ચિંગ પ્રોગ્રામ દરમિયાન સસ્તી કિંમતે રજૂ કર્યો હતો. ગ્રાહકો 32 ઇંચ, 43 ઇંચ એફએચડી, 43 ઇંચ યુએચડી, 50 ઇંચ યુએચડી, 55 ઇંચ યુએચડી અને મોટોરોલા ટીવીના 65 યુએચડી વેરિએન્ટ્સ ખરીદી શકશે. જ્યારે, મોટોરોલાએ સ્માર્ટ ટીવીના બેઝ વેરિઅન્ટની કિંમત 13,999 રૂપિયા રાખી છે. મોટોરોલા ઇ-કૉમર્સ વેબસાઇટ ફ્લિપકાર્ટ અને સત્તાવાર વેબસાઇટ દ્વારા તેના સ્માર્ટ ટીવીનું વેચાણ કરશે. સૂત્રોના જણાવ્યા અનુસાર મોટોરોલાના ટીવી બિગ બિલિયન ડે સેલમાં વેચાણ માટે ઉપલબ્ધ હશે.

મોટોરોલા ટીવીની કિંમત

મોટોરોલા ટીવી 32 ઈંચ- 13,999 રૂપિયા
મોટોરોલા ટીવી 43 ઈંચ એફએચડી- 24,999 રૂપિયા
મોટોરોલા ટીવી 43 ઈંચ યૂએચડી-29,999 રૂપિયા
મોટોરોલા ટીવી 50 ઈંચ યૂએચડી-33,999 રૂપિયા
મોટોરોલા ટીવી 55 ઈંચ યૂએચડી- 39,999 રૂપિયા
મોટોરોલા ટીવી 65 ઈંચ યૂએચડી-64,999 રૂપિયા

મોટોરોલા ટીવીના સ્પેસિફિકેશન

મોટોરોલા ટીવી એન્ડ્રોઇડ પાઇ ઑપરેટિંગ સિસ્ટમ પર કામ કરશે. ટીવી યુઝર્સ નેટફ્લિક્સ, એમેઝોન પ્રાઇમ વિડિઓ અને હોટસ્ટાર જેવા કન્ટેન્ટને એક્સેસ કરી શકશે. આ ઉપરાંત, યુઝર્સને વિડિઓ સ્ટ્રીમિંગ એપ્લિકેશનો ડાઉનલોડ કરવાનો વિકલ્પ પણ મળશે. કંપનીએ આ ટીવીમાં એચડીઆર 10 અને ઑટોટ્યુન એક્સ ટેકનોલોજીથી લેસ ડિસ્પ્લે પણ આપી છે. આ સુવિધા દ્વારા, યુઝર્સ સારી ગુણવત્તાના વિડિઓઝનો આનંદ માણી શકશે.

અન્ય સુવિધાઓની વાત કરીએ તો મોટોરોલાએ આ ટીવીમાં ટ્રુ સાઉન્ડ ટેકનોલોજી અને 30 વૉટ ફ્રન્ટ સ્પીકર્સ આપ્યા છે. આ ઉપરાંત ગ્રાહકને ટીવીમાં ડોલ્બી ઑડિઓ સિસ્ટમ મળશે. આ ટીવીમાં સારા પર્ફોમન્સ માટે 2.25 જીબી રેમ અને MALI 450 GPU પ્રોસેસર છે. આ સાથે આ ટીવીમાં 16 જીબી ઇન્ટરનલ સ્ટોરેજ મળશે. ગેમ્સના ઉત્સાહીઓ માટે, કંપનીએ આ ટીવીમાં ગેમિંગ રીમોટ કંટ્રોલ સુવિધાઓ પ્રદાન કરી છે.

0Shares