ગીનીસ બુક ઓફ વર્લ્ડ રેકોર્ડમાં નામ હોવું એક મોટી વાત માનવામાં આવે છે, પરંતુ આપણા બોલિવૂડના ઘણા સ્ટાર્સે જાણ્યે-અજાણ્યે ઘણા રેકોર્ડ બનાવ્યા છે, જેને જાણીને તમને પણ નવાઈ લાગશે.
અમિતાભ બચ્ચન
બોલીવુડના સુપરહીરો કહેવાતા અમિતાભ બચ્ચનના લાખો ચાહકો છે પરંતુ તેમાંથી ઘણાને ખબર નહીં હોય કે બિગ બીનું નામ ગિનિસ બુકમાં પણ નોંધાયેલું છે. વાસ્તવમાં 19 પ્રખ્યાત ગાયકો સાથે ‘શ્રી હનુમાન ચાલીસા’ ગાનારા એકમાત્ર અભિનેતાનું બિરુદ અમિતાભ બચ્ચન પાસે છે.
અમિતાભ બચ્ચને તેને કુમાર સાનુ, કૈલાશ ખેર, શાન, શંકર મહાદેવન, સોનુ નિગમ, સુખવિંદર સિંહ, ઉદિત નારાયણ, આદેશ શ્રીવાસ્તવ, અભિજીત, બાબુલ સુપ્રિયો અને હંસરાજ હંસ જેવા ગાયકો સાથે ગાયું હતું.
અભિષેક બચ્ચન
માત્ર અમિતાભ બચ્ચન જ નહીં પરંતુ તેમના પુત્ર અને અભિનેતા અભિષેક બચ્ચનના નામે પણ ગિનિસ વર્લ્ડ રેકોર્ડ છે. વાસ્તવમાં, તેમની ફિલ્મ દિલ્હી 6 ના પ્રમોશન માટે, અભિષેકે 12 કલાકમાં 1800 કિમીની મુસાફરી કરી અને 12 કલાકમાં ઘણા શહેરોમાં ફિલ્મ સ્ટાર દ્વારા સૌથી વધુ સાર્વજનિક રીતે સૌથી વધારે ઉપસ્થિતિ નોંધાવવાનો રેકોર્ડ બનાવ્યો. આ દરમિયાન અભિષેક ગાઝિયાબાદ, નોઈડા, ફરીદાબાદ, ચંદીગઢ અને મુંબઈના મોલમાં ગયા હતા.
શાહરૂખ ખાન
બોલિવૂડના બાદશાહ શાહરૂખ ખાને વર્ષ 2013માં ગિનિસ બુકમાં પોતાનું નામ નોંધાવ્યું હતું. 220.5 કરોડની કમાણી સાથે તેઓ બોલિવૂડના સૌથી વધુ કમાણી કરનાર અભિનેતા બન્યા અને તેના કારણે તેમનું નામ ગિનિસ બુકમાં નોંધાયું હતું.
કેટરીના કૈફ
બૉલીવુડની ટૉપ એક્ટ્રેસના લિસ્ટમાં સામેલ કેટરીના કૈફનું નામ પણ ગિનીસ બુક ઑફ વર્લ્ડ રેકૉર્ડમાં સામેલ છે. વર્ષ 2013માં કેટરીનાએ સૌથી વધારે કમાણી કરનારી બૉલીવુડ એક્ટ્રેસ બનીને આ રેકૉર્ડ પોતાના નામે કર્યો હતો. કેટરીનાએ 63.75 કરોડ રૂપિયાની કમાણી કરી હતી.
સોનાક્ષી સિન્હા
અભિનેત્રી સોનાક્ષી સિન્હાનું નામ માર્ચ 2016માં ગિનિસ બુકમાં દાખલ થયું હતું અને તેનું કારણ થોડું વિચિત્ર છે. વાસ્તવમાં, અભિનેત્રીએ એક ઇવેન્ટમાં હાજરી આપી હતી જ્યાં એક સમયે સૌથી વધારે મહિલાઓએ તેમના નખને પેઈન્ટ કર્યા હતા.
કપૂર ફેમિલી
બોલિવૂડના કપૂર પરિવારનું નામ ગિનિસ બુકમાં પણ નોંધાયેલું છે અને તેનું કારણ એ છે કે તેમના પરિવારના મોટાભાગના લોકો બોલિવૂડ ઈન્ડસ્ટ્રીમાં છે. કપૂર પરિવારના બોલિવૂડ સફરની શરૂઆત 1929માં પૃથ્વીરાજ કપૂર સાથે થઈ હતી.
