લોકસભા ચૂંટણીમાં ભારતીય જનતા પાર્ટી અને તેના સમર્થક ચૂંટણી પ્રચાર દરમિયાન સેનાનો સતત ઉલ્લેખ કરતા તેમનુ રાજકારણ કરવા અને ચૂંટણીમાં ફાયદો લેવાની ફિરાકમાં છે. આ સંબંધમાં ઘણા વિપક્ષી દળો તરફથી સતત આરોપ પણ લગાવવામાં આવ્યો છે અને હવે પૂર્વ સેના પ્રમુખ એસએફ રોડ્રિગ્સ અને શંકર રાય ચૌધરી સહિત 156 પૂર્વ સૈન્ય ઓફિસરોએ રાષ્ટ્રપતિ રામનાથ કોવિંદને પત્ર લખીને સેનાનું રાજકારણ કરવાનો વિરોધ વ્યક્ત કર્યો અને કહ્યું કે સેના દેશની છે કોઈ પાર્ટીની નહીં.
રાષ્ટ્રપતિને પત્ર લખનારાઓમાં પૂર્વ જનરલ એસએફ રોડ્રિગ્સ, પૂર્વ જનરલ શંકર રાય ચૌધરી, પૂર્વ જનરલ દીપક કપૂર અને પૂર્વ વાયુસેના પ્રમુખ એનસી સૂરી સામેલ છે. રાષ્ટ્રપતિને લખેલા પત્રમાં પૂર્વ સૈન્ય ઓફિસરોએ ફરિયાદ કરી છે કે સેના દેશની છે કોઈ પાર્ટીની નહીં. પત્રમાં નેતાઓ તરફથી સૈન્ય પરાક્રમનો શ્રેય લેવાનો વિરોધ વ્યક્ત કરવામાં આવ્યો છે. પત્ર લખનારાઓમાં 8 પૂર્વ ચીફ ઓફ સ્ટૉકના નામ સામેલ છે.
આ પહેલા યૂપીના મુખ્યમંત્રી યોગી આદિત્યનાથ દ્વારા ભારતીય સેનાને મોદીની સેના કહેવાયા બાદ વિવાદ વધી ગયો હતો. વધતા વિવાદ વચ્ચે ભારતીય નૌસેનાના પૂર્વ પ્રમુખ એલ. રામદાસે ચૂંટણી કમિશનને પત્ર લખીને ચૂંટણી ભાષાઓમાં સેનાના દુરુપયોગ પર ચિંતા વ્યક્ત કરવામાં આવી. પત્ર મારફતે દુરુપયોગ પર રોક લગાવવાની માંગ કરવામાં આવી.
ચૂંટણી આયોગને લખેલા પત્રમાં પૂર્વ નૌસેના પ્રમુખ રામદાસે એ પણ કહ્યું કે, ઘણા અન્ય સૈન્ય ઓફિસરોએ પણ તેની માંગનું સમર્થન કર્યું છે. યોગીના આ નિવેદન પર સૂચના લેતા ચૂંટણી કમિશને પણ રિપોર્ટ મંગાવ્યો હતો.
