લોકસભા ચૂંટણીના ત્રીજા તબક્કામાં 14 રાજ્યો અને કેન્દ્રશાસિત રાજ્યોની 117 લોકસભા સીટ માટે આજે મતદાન શરૂ થઈ ગયું છે. ત્રીજા તબક્કામાં ગુજરાતની 26, કેરળની 20, ગોવાની 2, દાદરા નાગર હવેલીની 1, દીવ-દમણની 1, આસામની 4, બિહારની 5, છત્તીસગઢની 7, જમ્મુ-કાશ્મીરની 1, કર્ણાટકની 14, ઓરિસ્સાની 6, ઉત્તરપ્રદેશની 10 અને પશ્ચિમ બંગાળની 5 સીટ માટે મતદાન થવાનું છે. સવારથી જ મતદાતાઓ લોકશાહીના આ
પર્વમાં જોડાઇ રહ્યા છે. અને મતદાન કરી રહ્યા છે.
ગુજરાતના ગાંધીનગરથી ભાજપ અધ્યક્ષ અમિત શાહ મેદાનમાં છે. અહીંથી પહેલાં ભાજપના સીનિયર નેતા લાલકૃષ્ણ અડવાણી ચૂંટણી લડીને લોકસભા પહોંચ્યા હતા. કેરળના વાયનાડથી કોંગ્રેસ અધ્યક્ષ રાહુલ ચૂંટણી લડી રહ્યા છે. આ સીટ પર સૌની નજર છે. ત્રીજા તબક્કામાં આઝમ ખાન, જયા પ્રદા, શિવપાલ સિંહ યાદવ, સંતોષ ગંગવાર અને વરુણ ગાંધી જેવા પ્રતિષ્ઠિત નેતાઓનું ભવિષ્ય મતદારો નક્કી કરશે.
સમાજસેવક અન્ના હઝારેએ અહમદનગરે રાલેગણ સિદ્ધીથી મતદાન કર્યું. અખિલેશ યાદવે કર્યુ મતદાન, તો પ્રદિપસિંહ જાડેજાએ પણ મતદાન મથકે પહોંચીને મતદાન કર્યુ, કોંગ્રેસ અમદાવાદ પુર્વના ઉમેદવાર ગીતા પટેલે કર્યુ મતદાન.
