નામચીન સમાજવાદી નેતા અને પૂર્વ કેન્દ્રીય રક્ષા મંત્રી જૉર્જ ફર્નાન્ડિસનું 88 વર્ષની ઉંમરમાં નિધન થઈ ગયું. તે છેલ્લા લાંબા સમયથી બીમાર હતા. મજૂર યુનિયનના આંદોલ મારફતે તેઓએ ભારતીય રાજનીતિમાં પોતાની જગ્યા બનાઈ હતી. જૉર્જ ફર્નાન્ડિસ કટોકટી દરમિયાન માછીમાર બનીને તો ક્યારેક સાધુનું રૂપ ધારણ કરીને અને ક્યારેક શીખ બનીને આંદોલન ચલાવતા રહ્યા.
જૉર્જ ફર્નાન્ડિસ પોતાના પરિવાર સાથે ઓડિશામા હતા, જ્યારે તેઓને રેડિઓ મારફતે કટોકટીની સૂચના મળી. ત્યાર બાદ તે પોતાની પત્ની અને બાળકોથી અલગ થઈને કટોકટી વિરુદ્ધ આંદોલનનો ભાગ બન્યા.
ફર્નાન્ડિસ ક્યારેક માછીમાર બનીને તો ક્યારેક સાધુનું રૂપ ધારણ કરીને દેશમાં અલગ-અલગ ભાગોમાં ફરતા રહ્યા. એટલું જ નહીં તેઓએ પોતાના વાળ અને દાઢી એટલા વધાર્યા અને શીખ બનીને કટોકટી વિરુદ્ધ આંદોલનને વેગ આપતા રહ્યા.
ફર્નાન્ડિસ દેશની તમામ સુરક્ષા એજન્સીઓથી છુપાઈ પોતાના મિશન પર લાગેલા રહ્યા. આ દરમિયાન તેઓએ જનતાના નામે એક અપીલ પણ જાહેર કરી હતી. આરોપ છે કે કટોકટીની જાહેરાત બાદથી જૉર્જ ફર્નાન્ડિસ દેશના અલગ-અલગ ભાગમાં ડાયનામાઈટ લગાવીને વિસ્ફોટ અને વિધ્વંસ કરવા માંગતા હતા.
તેના માટે મોટાભાગે ડાયનામાઈટ ગુજરાતના બરોડાથી આવ્યા પણ બીજા રાજ્યોથી પણ તેની ગોઠવણ કરવામાં આવી હતી. આ બાદ ફર્નાન્ડિસ અને તેના સાથિઓને જૂન 1976માં ધરપકડ કરી લેવામાં આવ્યા. આ તમામ લોકો પર સીબીઆઈએ કેસ નોંધ્યો, જેને બરોડા ડાયનામાઈટ કેસ કહેવામાં આવે છે.
ફર્નાન્ડિસ પોતાના શરૂઆતી સમયથી જ જબરજસ્ત વિદ્રોહી નેતા તરીકે રહ્યા છે. રામ મનોહર લોહિયાને તે પોતાના આદર્શ માનતા હતા. સોશિયાલિસ્ટ પાર્ટી અને ટ્રેડ યુનિયન આંદોલનમાં ફર્નાન્ડિસ સક્રિયપણે ભાગ લેતા હતા. તે પોતાના દમ પર 1950 સુધી ટેક્સી ડ્રાઈવર યુનિયનના નેતા બની ગયા હતા. ધીરે-ધીરે તેઓ ગરીબોનો અવાજ બની ગયા હતા.
